kúla ársins

Ákvað að smella inn nokkrum myndum og setja inn smá fréttir af okkur. Lífið leikur við okkur hér í Kaupmannahöfn og allt gengur mjög vel. Áður en við fluttum út vorum við búin að búa okkur undir það að geta ALDREI farið í sund, en það er útlit fyrir annað. Við fórum með alla krakkana í DGI-byen, sem er stórfín sundlaug hér í grenndinni. Þar vorum við í hvorki meira né minna en þrjá klukkutíma. Annars er lítið að frétta, við erum bara að slaka á með krökkunum okkar og njóta lífsins hér - milli þess sem opnaðir eru bankareikningar, sótt um leikskóla, húsaleigubætur og annað í þeim dúr.

Hér fyrir neðan má sjá bræðurnar í góðum leik, myndarlega manninn minn og gullfallegu dóttur okkar, sætustu stelpuna í tölvuleik, kúlu ársins og að lokum pizzu-veislu hjá "stóru" krökkunum í Heklahusene (Sunneva, Tómas, Snæbjörn, Gummi og Lára Huld).

kannski smá svipur...

Mér hefur aldrei fundist við systur neitt sérstaklega líkar, höfum staðið fyrir framan spegil og glápt á hvora aðra til að finna út úr því af hverju fólk ruglar okkur saman... án þess að botna í því hvað er að "öllu" þessu fólki sem finnst við líkar, en.... svo sá ég þessar myndir hlið við hlið og svei mér þá ef það er ekki bara smá svipur með okkur :)

smá myndablogg

Jæja, nú er loksins búið að hlaða myndum inn á tölvuna. Minniskortið var fyrir löngu orðið fullt og af þeim sökum höfum við ekki verið dugleg að taka myndir, hér koma þó nokkrar. Fyrstu tvær myndirnar eru af systrunum á Hvanneyri.. þegar svo gott sem ekkert er eftir

Systurnar komnar ofan í ferðatöskur með vegabréfin og allt á hreinu

Hér er Ásta Hlín alveg eiturhress í flugvélinni, þar gekk allt mjög vel

Hér er húsfrúin mætt á Axel Heides Gade 26, Nettó beint fyrir utan - ekki slæmt það :)

Tómas, Snæbjörn og Lára Huld að borða morgunmatinn úti á svölum

Tómas, Gummi, Sunneva og Lára Huld í dýragarðinum - mjög áhugasöm að skoða ljónin
Ásta Hlín svaka glöð í dýragarðinum þó hún hafi nú ekki haft mikið vit á því sem þar var að sjá

hún var hins vegar mjög hrifin af þessum - þetta er Sindri vinur hennar Öll fjölskyldan komin á Íslandsbryggjuna, þar sem við eigum heima

sviti og sólbruni

Já, það er óhætt að segja að það sé búið að vera nóg að snúast síðustu dagana. Enda erum við guðslifandi fegin því að það er frídagur á morgun, því þá höfum við skothelda afsökun fyrir því að gera ekkert nema slaka á... engar búðir, engar reddingar, ekki neitt nema slaka á. Við erum sem sagt búin að fara tvær ferðir upp í IKEA, mæli ekkert sérstaklega mikið með því, fullt af ferðum í hinar og þessar búðir.. kaupa rúm handa börnunum og sitthvað annað nauðsynlegt. En eins og staðan er í dag eigum við sjónvarpsskáp - en ekkert sjónvarp, eldhússtóla - en ekkert eldhúsborð, rúm fyrir börnin - en ekkert fyrir okkur... og svo framvegis. Brettið kemur vonandi á miðvikudaginn og þá getum við farið að elda mat.. og það verður yndislegt. Svo er það blessað eldhúsborðið og rimlarúmið sem hefur ferðast fram og til baka nokkrum sinnum milli Árósa og Köben .. vonandi skilar það sér í hús fljótlega.

Annars er veðrið alltaf yndislegt, alltaf um eða yfir 20 stiga hiti.. smá sólbruni og heilmikill sviti sem fylgir því. Því er nauðsynlegt að eyða kvöldunum úti á svölum með bjórinn í annarri og ... já, bjórinn í hinni :) Strákarnir koma svo til okkar á miðvikudaginn og þá fáum við líka snúruna til að hlaða myndum inn á tölvuna - þá ættum við að geta sett inn einhverjar myndir hér. Vá, ég held ég hafi sett persónulegt met í blogglengd.. þannig að ég segi bara góða nótt og sjáumst í Köben